Si ndikon parfumi yt në stilin dhe energjinë tënde?

Aroma që mbart mund të ndryshoj mënyrën se si ndihesh, si ecën dhe si të perceptojnë të tjerët. Një parfum i zgjedhur mirë nuk është thjesht një detaj, por një element i fshehtë i stilit të përditshëm, që të jep vetëbesim, përmirëson humorin dhe të qetëson edhe në ditët më të ngarkuara.

Për shumë njerëz, parfumi është një nënshkrim i padukshëm, një mënyrë për të lënë gjurmë pa thënë asnjë fjalë. Aromat e ngrohta dhe intensive lidhen shpesh me forcë dhe vendosmëri, ndërsa ato me nota lulesh apo agrumesh sjellin freski, dritë dhe energji pozitive. Ajo që e bën një aromë vërtet të veçantë është mënyra se si bashkohet me personalitetin tënd dhe si përshtatet me ritmin e ditës.

Parfumi nuk është vetëm një erë e këndshme, por pjesë e identitetit tënd, mënyra si prezantohesh, si dëshiron të ndihesh dhe si do të të kujtojnë. Çdo aromë ka historinë e vet dhe mund të bëhet pjesë e përditshmërisë tënde, sepse parfumi që zgjedh është emocioni që mban me vete gjatë gjithë ditës.

Si ndikon parfumi në humor dhe vetëbesim

Trupi reagon shumë shpejt ndaj aromave. Një erë e njohur ose e dashur mund të të qetësojë, të të rikthejë një kujtim të bukur ose të të japë shtysë për t’u ndjerë më i/e sigurt.

• Për vetëbesim: aromat më të thella, me nota druri, qelibar, piper ose temjan shpesh lidhen me qëndrueshmëri dhe forcë. Këto janë parfume që i përdor kur do të dukesh më serioz/e, më i/e vendosur, në takime pune, prezantime apo evente formale.
  
  

• Për energji dhe pozitivitet: aromat me agrume (limon, portokall, mandarinë, bergamot), ose me nuanca të gjelbra dhe të freskëta japin ndjesinë e “fillimit të ri”. Janë perfekte për mëngjes, për ditët kur ndihesh pak i/e lodhur ose kur do të futesh në “mood” më dinamik.
  
  

• Për qetësi dhe rehati: aromat me vanilje, bajame, tonka, dhe nota kremoze apo të buta krijojnë ndjesi afërsie dhe relaksi. Shpesh zgjedhen për mbrëmje, për dalje të qeta ose për momente intime.
  
  

Si ta zgjedhësh parfumin sipas stilit tënd

Zgjedhja e parfumit nuk ka të bëjë vetëm me atë që është “në trend”, por me atë që të përfaqëson ty.

1. Sipas personalitetit

• Energjik/e dhe spontan/e: parfume me agrume, fruta, nuanca të freskëta deti ose nota jeshile. Këto aroma duken të lehta, por janë shumë të gjalla.
  
  

• I/e qetë dhe e rezervuar: aroma me lule të buta (jasemin, trëndafil i lehtë, livando) ose kombinime të vaniljes me pak druror krijojnë një profil elegant, të butë dhe të rafinuar pa qenë i zhurmshëm.
  
  

• Ekstravert/e dhe i/e guximshme: parfume orientale, të erëzuara, me piper, kanellë, oud, qelibar, patchouli. Janë aroma që nuk kalojnë pa u vënë re dhe që shpesh lënë “gjurmë” në ambient edhe pasi ke ikur.
  
  

2. Sipas rastit

Nuk ka domosdoshmërisht një parfum për çdo rast, por është mirë të kesh të paktën dy ose tre opsione:

• Për përditshmëri: diçka e freskët, e pastër, jo shumë e rëndë. Perfekte për punë, shkollë, takime ditore.
  
  

• Për mbrëmje dhe evente speciale: aroma më e thellë, më intensive, me projeksion më të madh. Këto parfume i mbajnë njerëzit mend.
  
  

• Për momente të veçanta personale: parfume më të buta, sensuale, që i lidh me një person ose një kujtim.
  
  

3. Sipas stinës

• Pranverë / verë: agrume, lule të lehta, aroma “ujore” dhe të freskëta.
  
  

• Vjeshtë / dimër: nota druri, vanilje, qelibar, orientale, erëza. Trupi i përballon më mirë aromat e “pasura” në temperatura më të ulëta.
  
  

Llojet kryesore të parfumeve – çfarë do të thotë në të vërtetë

Shpesh në shishe lexojmë “parfum”, “eau de parfum”, “eau de toilette”, por jo të gjithë e dinë dallimin. Ai lidhet me përqendrimin e vajrave aromatikë:

• Parfum: më i përqendruar dhe më intensiv. Mjaftojnë pak pika dhe zgjat shumë gjatë, shpesh gjithë ditën.
  
  

• Eau de parfum (EDP): balancë mes intensitetit dhe përdorimit të përditshëm. Zgjat mirë, me projeksion të dukshëm, pa qenë “shumë i rëndë”.
  
  

• Eau de toilette (EDT): më i lehtë, më i freskët, ideal për përdorim gjatë ditës ose për ata që nuk duan aromë shumë të fortë.
  
  

• Body mist / spray trupi: më i lehtë akoma, perfekt për rifreskim disa herë gjatë ditës ose pas palestër.
  
  

Të dish këtë dallim të ndihmon të zgjedhësh atë që të përshtatet më shumë me ritmin tënd: a do diçka që mban gjithë ditën, apo diçka të lehtë për t’u rindezur sa herë të duash?

Të gjitha aromat që përmendëm i gjen në foleja.com. Porosit parfumin që të përfaqëson më shumë dhe bëje pjesë të stilit tënd të përditshëm.